超抵食午市韓燒放題

 

午市時間有唔少人,但這裡地方好大,唔洗等,走廊位很寬敞,桌椅地板也很乾淨。

我們二人坐的枱也很大,很舒適。

IMG_4333

這兒供應的食物種類十分多樣化,包羅萬有,可滿足唔同人嘅口味。包括有日式壽司及前菜、沙律連各式醬料、10款熱食、韓式泡菜、港式湯粉麵、3款小食 、2款中式點心,當然唔少得供燒烤的食物,肉類有豬牛雞魚和海鮮共17款,蔬菜也有10款。仲有甜品蛋糕同雪糕供應。

飲品方麵有汽水機、咖啡機、同兩款特色飲品。汽水機有六款飲品,包括四種汽水和兩種道地茶飲。咖啡機供應熱水、紅茶和四款咖啡。特色飲品有乳酪汁和荔枝汁。每個座位有一隻杯,要拎座位嘅杯出去斟嘢飲。

食物種類繁多,但係胃部空間有限,所以要選擇最想食嘅嘢食。食韓燒嘅主角當然係要燒菜同燒肉啦,蔬菜方麵試咗粟米、南瓜、冬菇、茄子、洋蔥和番茄仔,肉類方麵試咗牛仔骨、黑椒牛肉粒、原味雞翼、香辣雞翼、金沙骨、秋刀魚、多春魚和三文魚骨腩。

IMG_4289

燒蔬菜嘅效果不錯、好香又健康。尤其是燒茄子,燒完茄紅素急升可抗衰老,又多汁,新鮮醒胃。

牛仔骨用咗黑椒醃,好入味;牛柳粒鮮甜嫩滑;雞翼好嫩滑,辣味同原味各有特色,辣味刺激、原味香,雞翼切開咗一半,變咗單骨,方便燒同食用;金沙骨調味夠濃,肉味香甜;秋刀魚鮮甜嫩滑,魚皮醃得惹味;多春魚好新鮮。最意想不到係三文魚骨腩,超滑,好鮮味,滑滑骨膠原爆燈。

燒烤盤都幾大,同時可以放好多款食物。p盤上有個直接抽風位,抽風效果好,咁多枱食客一齊燒都唔會成店煙。

IMG_4289

飲品試了朱古力咖啡,唔太甜,朱古力味同咖啡味夠平均,不錯。

店員收碟好勤快。

百一蚊唔洗有咁多高質素嘅嘢食,環境又好,座位又寬敞舒適,店員又友善,食咗3小時都唔會俾人趨埋單叫離開,性價比極高,物超所值!
韓舍
網址: https://s.openrice.com/QrbS0vCi100
地址: 旺角 彌敦道593-601號創興廣場9樓
電話: 2111 1663

原文地址:http://blog.ulifestyle.com.hk/blogger/hellolcy/?p=3028922